შვეიცარიის აღმასრულებელი ორგანოს, ფედერალური საბჭოს წევრი და საგარეო საქმეთა ფედერალური დეპარტამენტის თავმჯდომარე მიშელინ კალმი-რეი პარასკევს გაემგზავრება ლუბლიანაში, რათა გამართოს ორმხრივი შეხვედრა სლოვენიის საგარეო საქმეთა მინისტრთან, სამუელ ჟბოგართან. შაბათსა და კვირას, ევროპის საბჭოს მინისტრთა კომიტეტის პრეზიდენტის რანგში, ის გამართავს შეხვედრებს თბილისში. კვირას მას დაგეგმილი აქვს ასევე სამუშაო შეხვედრა რუსეთის საგარეო საქმეთა მინისტრთან სერგეი ლავროვთან მოსკოვში.

ლუბლიანაში ვიზიტი იმართება შვეიცარიასა და სლოვენიას შორის რეგულარული ორმხრივი შეხვედრების ფარგლებში. ორმხრივი თანამშრომლობის გარდა (მაგალითად, შვეიცარიის შემწეობა სლოვენიისადმი ევროკავშირის გაფართოების კონტექსტში), დღის წესრიგი მოიცავს ევროკავშირის სტრატეგიებსა და გაეროს ფარგლებში თანამშრომლობას. მოლაპარაკებები შეეხება აგრეთვე ევროპის საბჭოს, რომლის მინისტრთა კომიტეტის თავმჯდომარეობა 2009 წლის ნოემბერში შვეიცარიას სლოვენიისგან გადაეცა.

ევროპის საბჭოს მინისტრთა კომიტეტის თავმჯდომარის რანგში, შაბათსა და კვირას ქ-ნი კალმი-რეი გამართავს სამუშაო შეხვედრებს საქართველოს ხელისუფლებისა და პოლიტიკური პარტიების წარმომადგენლებთან. საქართველოში მომხდარი კონფლიქტის შედეგები წარმოადგენს ევროპის საბჭოს ერთ-ერთ მთავარ პრიორიტეტს მას შემდეგ, რაც 2008 წლის ზაფხულში დაიწყო სამხედრო მოქმედებები.

კვირას საღამოს ქ-ნი კალმი-რეი გამართავს სამუშაო სადილს რუსეთის საგარეო საქმეთა მინისტრთან სერგეი ლავროვთან. მათი მოლაპარაკებები ყურადღებას მიაპყრობს მიმდინარე ორმხრივ თუ საერთაშორისო თემებზე, როგორიცაა შვეიცარიის მიერ რუსეთისა და საქართველოს ინტერესების წარმოდგენა მისთვის შესაბამისად მინიჭებული უფლებამოსილების ფარგლებში და საკითხებზე, რომლებიც უკავშირდება შვეიცარიის თავმჯდომარეობას ევროპის საბჭოში.

დოკუმენტის ბმული შვეიცარიის თავმჯდომარეობა ევროპის საბჭოში

ევროპის საბჭოს კომუნიკაციის განყოფილება

ტელ: 33 (0)3 88 41 25 60
ფაქსი: 33 (0)3 88 41 39 11
pressunit@coe.int
www.coe.int